Api dalam Sokam
Sabalun kato ka dibuka, rundiang ka dikambang, iyo lah adat salam jo sambah, sambah tunggang ka nan qadim, salam ba unjuak ba alamaik, salam kapado Ninik Mamak nan godang basa batuah, salam ka bakeh Alim Ulama nan manjadi suluah bendang dalam nagori, salam ka tasimpuah ka bundo kanduang nan arif bijak bestari, salam ka bokeh codiak tau pandai nan panunjuak pangaja jalan di dunie, salam ka rang mudo nan manjadi parik jo paga nagori, sarato salam taserak ka nan... rami, kok ketek ndak basobuk namo, kok gadang ndak baimbauan gola, salam tibo ka bakeh dunsanak kasadonyo, Assalamu'alaikum wa Rahmatullahi wa Barakatuh
Adopun kato nan ka di sobuk, rundiang nan ka dikambang di didindiang forum nangko, adolah tantang api nan di dalam sokam. Nyalo nan indak bakatampakan, angek nan sodang bakucintaan, asok nan indak mamabuakan, usahkan mato nan kan podiah, ayam nan sanang mangakehnyo.
Namun samantangpun dek baitu, arok jo comeh lah manjujai, ati nan raso batimpo sangko, di kiro-kiro mangkonyo sosek, rancak di baok barundiang ka nan rami, nak salosai kilan di ati, nak torang pangana aka, mamohon sipat ka nan Karim, mamintak fatwa ka nan malin, mamintak alemu ka nan pandai, mintak pituah ka Ninik Mamak, mintak di timbang jo bundo kanduang, minta di pakuek jo rang mudo.
Adopun nan takona dalam aka, nan takilan di dalam ati, tantang si api nan di dalam sokam, ba a api nak jan godang, ba a angin koncang nak jang datang, sabab ba a dek baitu, kok datang angin nan mambuso, manyalinok masuak ka ungguak sokam, baro takojuk nan di dalamnyo, baubah wujud manjadi api, api manyalo di dalam sokam, ari siang paneh badengkeng, ribuk datang manggodangan, api bakobar baka mam baka, ilang aka ilang pandapek, budi nan mati di kanduang diri, ayam tobang sokam taserak, panehnyo alang ka palang, angin bakisa ndak poi lai, sampai ma abu sokam kucindan, api padam sokam mailang.
Nak jang tasobok nan bak kian, nak jan tasuo nan cando itu, mangko rundiang dikambangkan, kato nan pintak di sahuti ka sidang forum nan mulie nangko. itu rundiang dari ambo, pulang maklum bakeh dunsanak kasadonyo
Sabalun kato ka dibuka, rundiang ka dikambang, iyo lah adat salam jo sambah, sambah tunggang ka nan qadim, salam ba unjuak ba alamaik, salam kapado Ninik Mamak nan godang basa batuah, salam ka bakeh Alim Ulama nan manjadi suluah bendang dalam nagori, salam ka tasimpuah ka bundo kanduang nan arif bijak bestari, salam ka bokeh codiak tau pandai nan panunjuak pangaja jalan di dunie, salam ka rang mudo nan manjadi parik jo paga nagori, sarato salam taserak ka nan... rami, kok ketek ndak basobuk namo, kok gadang ndak baimbauan gola, salam tibo ka bakeh dunsanak kasadonyo, Assalamu'alaikum wa Rahmatullahi wa Barakatuh
Adopun kato nan ka di sobuk, rundiang nan ka dikambang di didindiang forum nangko, adolah tantang api nan di dalam sokam. Nyalo nan indak bakatampakan, angek nan sodang bakucintaan, asok nan indak mamabuakan, usahkan mato nan kan podiah, ayam nan sanang mangakehnyo.
Namun samantangpun dek baitu, arok jo comeh lah manjujai, ati nan raso batimpo sangko, di kiro-kiro mangkonyo sosek, rancak di baok barundiang ka nan rami, nak salosai kilan di ati, nak torang pangana aka, mamohon sipat ka nan Karim, mamintak fatwa ka nan malin, mamintak alemu ka nan pandai, mintak pituah ka Ninik Mamak, mintak di timbang jo bundo kanduang, minta di pakuek jo rang mudo.
Adopun nan takona dalam aka, nan takilan di dalam ati, tantang si api nan di dalam sokam, ba a api nak jan godang, ba a angin koncang nak jang datang, sabab ba a dek baitu, kok datang angin nan mambuso, manyalinok masuak ka ungguak sokam, baro takojuk nan di dalamnyo, baubah wujud manjadi api, api manyalo di dalam sokam, ari siang paneh badengkeng, ribuk datang manggodangan, api bakobar baka mam baka, ilang aka ilang pandapek, budi nan mati di kanduang diri, ayam tobang sokam taserak, panehnyo alang ka palang, angin bakisa ndak poi lai, sampai ma abu sokam kucindan, api padam sokam mailang.
Nak jang tasobok nan bak kian, nak jan tasuo nan cando itu, mangko rundiang dikambangkan, kato nan pintak di sahuti ka sidang forum nan mulie nangko. itu rundiang dari ambo, pulang maklum bakeh dunsanak kasadonyo
