MINANGKABAU RANAH MINANG
berbagi foto Zulhendri Basri.
# Minangkabau Ranah Nan Den Cinto.... Tak pernah latiah malahiakan gadih-gadih nan kamek. Bungo parawitan, bungo kapamenan, pamenan hati di rambang mato, na...n basonyo katuju jo elok budi, pandai manari manatiang Piriang, nan alah mamikek jantuang hati. Jikok Sabai bajalan si Ganjua luluah, Samuik tapijak nan indak mati, Alu tataruang nan patah tigo. Muluik nan manih, kucindan murah pulo. Daguak nan bak labah bagantuang, bibia nan tipih bak asam sauleh, hiduang nan bak dasun tungga babeleang. Rambuik nan hitam bak Mayang Taurai, selalu ditutuik dek Karuduang manjalankan syariat manutuik aurat, manuruik kato Adat. Mato nan tajam bak pisau, manikam hinggo ka dalam dado. Alih nan bak Samuik babarih, tasusun rapi cando pisang di tandannyo. Bulu mato nan lantiak bak Kaluak Paku Kacang Balimbiang. Pipi nan bulek merah merona ditimpo matohari sanjo, ditambah duo lasuang di pipi. Lihia nan bak janjang tapian mandi, langkah nan malenggok cando Itiak Pulang Patang hari. Suaro nan bak cando buluah parindu, siang tabayang-bayang, malam jadi rasian. Jikok pagi ayam bakukuak, Azan Shubuah lah bakumandang di Surau, matohari lah mulai tabik … si Upiak lah bakureh pulo di dapua, maambuih tungku, manggiliang lado, manjarangan aia angek untuak ayah minum kopi. Pagi-pagi lah manyasah di pincuran, mambaok kain cucian. Bagaluik jo kawan saumuran, bakacipak aia mambasah muko. Siang hari nasi lah masak, samba lah tahidang di ateh meja. Samba lado, uok patai, bada masiak jo palai rinuak, karupuak jangek nan bagoreang kariang. Sungguah taubek latiah urang nan pulang dari ladang. Jikok hari lah balaruik sanjo, si upiak naiak ka ateh rumah gadang, maambiak aia wudhuak di sumua. Dipakai talakuang, dibantang sajadah, Azan Mugarik lah bakumandang pulo. Salasai Sumbayang, diambiak Kitab AlQur'an, dibaco ayat hinggo tigo halaman. Indak paralu manunggu malam hinggo laruik, si upiak lah naiak ka paraduan. Potret keseharian si Gadih Minang. Mudah-mudahan sarupo iko handaknyo Generasi Mudo Minangkabau. Capek kaki ringan tangan, mambuek sanang hati Ayah sarato Bundo. Aamiin, insyaAllah....... ⌣̊┈̥-̶̯͡♈̷̴┈̥-̶̯͡⌣̊Lihat Selengkapnya
